Barui Utara samo Mato Aluh
Masa Barui Utara samo Mato Aluh bagagut pasal inayih yo paleng kuat, ado dai urang parantau sabi. Ido setujui inayih yo mala’ gama’ nih nanggalkan jubah parantau ina’, iyo dai paleng kuat. Barui Utara mbepar sakuat-kuat nih. Tapi makin kuat nih mbepar makin kuat dai atin parantau ina ngimbit jubah nih. Barui Utara pun ngalah dirih. Tiru ina’ Mato Aluh mamancar sakuat kuat nih. Sabi parantau ina’ ndo tan terus banuka nih jubah nih. Jadi Barui Utara tapaksa dai ngakun alah yo Mato Aluh ina lebih kuat kod iyo.